Тайваны хүүхэд гэр бүлийг дэмжих сангийн санхүүжилтээр “Хязгаар нутгийн инээмсэглэл” төслийн хүрээнд Дорнод аймгийн Бүсийн оношилгоо эмчилгээний төвд 2019 оны 06 сарын 14-нөөс 22-ны хооронд ЭХЭМҮТөвийн эрүү нүүрний мэс засал, чих, хамар хоолойн мэс заслын багийн эмч нар тус төвийн эмч нартай хамтран ажиллаа.
Багийн бүрэлдэхүүнд чих хамар хоолойн тасгийн эрхлэгч клиникийн профессор Б.Дэлгэрмаа, Н.Батболд эмч нар хүрэлцэн ирж Өрхийн болон Хүүхдийн эмч нарт сургалт хийж, 24 хүнд гүйлсэн булчирхай, нармайн гүйлс авах, 4 хүнд хамрын таславч тэгшлэх /сeптопластик/ мэс засал, төрөлхийн уруул тагнайн сэтэрхийтэй 28 хүнд мэс засал, 32 хүүхдэд гажиг заслын эмчилгээ, 29 хүүхдэд хэл заслын цогц эмчилгээг үнэ төлбөргүй үзүүлэх хүмүүнлэгийн ажил амжилттай хийлээ.
