Дорнод аймгийн Засаг даргын нөөцийн сангаас 19.9 сая төгрөгийн санхүүжилтээр БОЭТ-ийн Халдвартын тасагт хүчилтөрөгчийн ханын системийг тоног төхөөрөмжийн инженер Б.Хүрэл-Эрдэнэ, техникч Р.Батчулуун нар улаан бүсэд 11 хоногийн хугацаанд хийж гүйцэтгэлээ.
Уг хүчилтөрөгчийн ханын системд холбогдсоны давуу тал нь:
- Хүний цусан дахь хүчилтөрөгчийн хэмжээ нэмэгдэх тул заавал амьсгалын аппаратанд орох шаардлагагүй болно.
- Амьсгалын аппарат болгон дээр хүчилтөрөгчийн баллон залгахгүйгээр хананы системээс хүчилтөрөгчийг авна.
- Ханын системийн цэнэглэх хэсэг нь ногоон бүсэд байрлах учир хүчилтөрөгчийн техникийн ажилтан халдвар хамгааллын хувцас өмсөхгүйгээр шууд орж залгаж болно.
- Хүчилтөрөгчийн техникч улаан бүс рүү орж баллон солихгүй, мөн 2 давхар луу баллон өргөж, буулгахгүй тул ажиллагаа шуурхай болно.
- Ханын системд бавровын аппарат залгаснаар 98%-ийн цэвэр хүчилтөрөгчөөр өвчтөн хангагдаж хүчилтөрөгч өтгөрүүлэгч аппарат ашиглах шаардлагагүй болно. Ингэснээр эдийн засгийн хувьд хэмнэлттэй, өрөө тасалгаа аппаратаар дүүрэхгүй, орчны дуу чимээ багасна.
- Ханын системийн цэнэглэгч хэсэг дээр 16 ширхэг амьсгалын аппаратыг 6 баллоноор хангана. Иймд баллоны хомсдолд орохгүй.
- Хүчилтөрөгчийн баллон залгадаг редуктор, баллоны толгой зэргийг байнга солих шаардлагагүй тул эдийн засагт хэмнэлттэй болно.
Ковид-19 өвчний үед зайлшгүй шаардлагатай хүчилтөрөгчийн хангамжийг шийдвэрлэхэд санхүүгийн дэмжлэг үзүүлсэн Аймгийн засаг дарга, Халдвартын улаан бүсэд богино хугацаанд мэргэжлийн ур чадвараа дайчлан ажилласан БОЭТ-ийн инженер Б.Хүрэл-Эрдэнэ, техникч Р.Батчулуун нартаа талархал илэрхийлье.
БОЭТ-ИЙН ЗАХИРГАА