Дорнод аймгийн эрүүл мэндийн салбарын хэмжээнд ёс зүйн зөрчлийг үл тэвчих сэтгэлгээ, шударга байдлыг эрхэмлэхэд чиглэсэн соён гэгээрүүлэх ажлыг эрчимжүүлэх, ёс зүйн хэм хэмжээг сахиулах чиглэлд эрүүл мэндийн байгууллагуудын дэргэдэх ёс зүйн салбар хорооны гишүүдийг ажлын байран дээр нь чадавхижуулах, ёс зүйгээр үлгэрлэсэн байгууллагын соёлыг бүрдүүлэхэд дэмжлэг үзүүлэх зорилгоор Эрүүл мэндийн яамны дэргэдэх Ёс зүйн хяналтын хорооны дарга Д.Оюунбилэг, Соён гэгээрүүлэх дэд зөвлөлийн дарга Ш.Алтэнцэцэг, Иргэдийн өргөдөл гомдлыг хянан шийдвэрлэх дэд зөвлөлийн дарга Ш.Оюунчимэг нарын бүрэлдхүүнтэй баг Дорнод аймагт хүрэлцэн ирж сургалт зохион байгуулж ажиллаа