Мэс заслын тасаг нь 25 ортойгоор 7 мэс заслын их эмч, 17 сувилагчтайгаар, үүнээс хагалгааны мэргэшсэн 10 сувилагчтай ажиллаж байна. Жилдээ 1100-1200 үйлчлүүлэгч хэвтэн эмчлүүлж, 900-1000 гаруй хагалгаа хийгддэг, Эмч нарын 60% нь мэргэжлийн зэрэгтэй, англи, орос, солонгос хэлтэй, эмч нар ажиллаж байна.
ҮЙЛЧИЛГЭЭНИЙ ЧИГЛЭЛ:
Ерөнхий болон төрөлжсөн мэргэжлээр дараах мэс засал хийгддэг.
- Элэг, цөсний замын мэс заслууд /нээлттэй болон дурангийн аргаар/
- Хоол боловсруулах замын мэс заслууд /нээлттэй болон дурангийн аргаар/
- Бөөр, шээсний замын мэс засал /нээлттэй болон дурангийн аргаар /
- Бүдүүн, шулуун гэдэсний мэс засал
- Цээжний хөндийн мэс засал
- Булчирхайн мэс засал
- Хавдрын мэс засал
- Яаралтай мэс заслууд /нээлттэй болон дурангийн аргаар/
Гэмтлийн мэс заслууд:
- Дээд, доод мөчид
- Гавал, тархи
- Цээж, хэвлий
- Хавсарсан гэмтлүүд
- Түлэгдэлт
- Түлэгдэлтийн дараах арьс нөхөх
- Гар, сарвууны гэмтэл болон гажиг засах Мэс заслын салбарт шинэ арга, техник болж гарч ирж эрчимтэй хөгжиж байгаа дурангийн аргаар хийгддэг мэс заслын эмчилгээ ч манай эмнэлэгт 2009 оны сүүл үеэс эхлэн эмчилгээнд нэвтэрч амжилттай хөгжиж ирлээ. Ийм онцлог цаг дор манай тасгийн хамт олон 2009 оноос одоог хүртэл дурангийн мэс заслыг хөгжүүлэхэд онцгойлон анхаарч дурангийн мэс заслын эзлэх хувийг 62% хүргэж, элэг цөсний замын мэс заслын 99%-ийг, Мухар олгойн хагалгааны 20-30% ийг дурангийн аргаар хийж байна. Ивэрхийн хагалгаануудыг олон улсын стандарт эмчилгээ болох 100% тор тавьж нөхөх аргаар эмчилж байна.Өнөөдөр манай тасагт уламжлалт аргаар хийгдэх мэс заслаас гадна дурангийн аргаар бөөр шээсний замын мэс засал, эрэгтэйчүүдийн үзлэг, бамбай булчирхайн мэс засал, уушиг цээж голтын хөндийн мэс засал, хөхний мэс засал, улаан хоолойн мэс засал, ходоод гэдэсний мэс засал, элэг цөсний замын мэс засал, нойр булчирхай дэлүүний мэс засал зэрэг дэлхийд томоохонд ордог мэс заслыг дурангийн аргаар амжилттай хийж гүйцэтгэж байна. Ингэснээр өнөөдөр манай эмч нар зөвхөн ерөнхий мэс заслын төдийгүй хавдрын гаралтай төрөл бүрийн эмгэгийн үед дурангийн мэс заслын аргыг сонгож амжилттай хэрэглэж жилээс жилд туршлагажин, мэс заслын хөгжлийг орчин үеийн дэлхийн түвшинтэй зэрэгцүүлхэд анхаарч ажиллаж байна.Ийнхүү манай мэс заслын тасгийн хамт олон өнөөдөр дэлхийн жишигт хүрсэн мэдлэг чадвар бүхий өндөр мэргэжилтэнүүд, орчин үеийн анагаах ухааны шаардлагад нийцсэн техник, багаж тоног, төхөөрөмжийн тусламжтайгаар шуурхай, чанартай, хүртээмжтэй шинжлэх ухаанч мэс заслын тусламж үзүүлэх зорилтыг өмнөө тавьж ажиллаж байна
Үйлчлүүлэгчдийн анхааралд
- Төлөвлөгөөт хагалгаанд орох хүсэлтэй үйлчлүүлэгчид амбулотороор цаг авах үйлчилгээний дагуу үзүүлж, шинжилгээнүүдийг бүрдүүлэн, шаардлагатай бол тухайн шинжилгээний өөрчлөлтийн дагуу холбогдох эмч нарт мөн цаг аван үзүүлнэ. Үүний дараа 7 хоногийн мягмар гараг бүрт эмч нарын зөвлөгөөнөөр орж мэс засал хагалгаанд орох өдрүүдийг төлөвлөнө. /Лхагва, пүрэв, баасан, даваа гаригуудыг сонгон орно/
